“Evrika Montessori Kids Academy” Montessori təhsil metodu və beynəlxalq erkən inkişaf yanaşmalarını bir araya gətirən müasir təhsil mühitidir. Evrika Təhsil Ekosisteminin tərkibində fəaliyyət göstərən Akademiya 1–6 yaşlı uşaqların fərdi potensialını kəşf etməsinə, müstəqil düşünmə, seçim etmə və sosial bacarıqlarını inkişaf etdirməsinə dəstək olur.

“Evrika Montessori Kids Academy” Nəriman Nərimanov metro stansiyasından cəmi 500 metr məsafədə yerləşir. Təxminən 2000 kvadratmetr ərazini əhatə edən mərkəz 1–6 yaşlı uşaqların təhsil, yaradıcılıq, texnologiya, fiziki və sosial inkişaf ehtiyaclarının kompleks şəkildə qarşılanması üçün yaradılıb.

Burada uşaqların yaş xüsusiyyətləri, fərdi inkişaf tempi və maraqları nəzərə alınır. Montessori yanaşmasına uyğun olaraq uşaqlar müstəqil hərəkət etməyə, seçim etməyə, diqqətlərini cəmləməyə və gündəlik fəaliyyətlərdə məsuliyyət daşımağa təşviq olunurlar.

Cambridge Proqramı Montessori yanaşması ilə tədris olunur

“Evrika Montessori Kids Academy”də Cambridge Proqramı Montessori yanaşması əsasında tədris olunur. Beləliklə, beynəlxalq təhsil proqramının məzmunu Montessori fəlsəfəsinin uşağın fərdi inkişafını və müstəqil öyrənməsini dəstəkləyən prinsipləri ilə birləşdirilir.

Bu yanaşma uşaqların erkən yaşlardan öyrənməyə maraq göstərməsinə, öz potensiallarını tanımasına və biliklərini inkişaf etdirməsinə imkan yaradır.

GEMS metodu ilə riyaziyyat və təbiət elmləri

Akademiyada uşaqların riyaziyyat və təbiət elmlərinə marağının erkən yaşlardan inkişaf etdirilməsinə xüsusi diqqət yetirilir.

Bu istiqamətdə GEMS metodundan istifadə olunur. GEMS uşaqların riyaziyyat və təbiət elmlərini araşdırma, müşahidə, təcrübə və praktik fəaliyyətlər vasitəsilə öyrənməsinə yönəlmiş bir tədris metodudur.

Bu metod uşaqlarda məntiqi və elmi düşünmə, müşahidə aparma, sual vermə və problem həll etmə bacarıqlarının inkişafına dəstək olur.

Robotik kodlama və texnologiya

Müasir dünyada uşaqların texnologiya ilə erkən yaşlardan düzgün şəkildə tanış olması mühüm əhəmiyyət daşıyır.

“Evrika Montessori Kids Academy”də təşkil olunan robotik kodlama dərsləri uşaqlarda məntiqi düşünmə, ardıcıllıq qurma, problem həll etmə və yaradıcılıq bacarıqlarının inkişafına kömək edir.

Uşaqlar yaşlarına uyğun şəkildə texnologiya ilə tanış olur, düşünür, araşdırır və yaratmağa təşviq edilirlər.

Xüsusi dərnəklərlə hərtərəfli inkişaf

Uşağın inkişafı yalnız akademik biliklərlə məhdudlaşmır. Fiziki aktivlik, yaradıcılıq, təbiətlə əlaqə və sosial bacarıqlar da onun şəxsiyyət kimi formalaşmasında mühüm rol oynayır.

Bu səbəbdən “Evrika Montessori Kids Academy”də uşaqlar üçün müxtəlif inkişaf fəaliyyətləri təşkil olunur:

Üzgüçülük

Gimnastika

Şahmat

Rəqs

Rəsm və yaradıcılıq

Təkrar emal fəaliyyəti

Bostan fəaliyyətləri

Robotik kodlama

Bu fəaliyyətlər uşaqların fiziki, intellektual, yaradıcı və sosial inkişafını kompleks şəkildə dəstəkləyir.

Bostan fəaliyyəti və sağlam qidalanma vərdişləri

“Evrika Montessori Kids Academy”də təşkil olunan bostan fəaliyyəti uşaqlara təbiəti yaxından tanımaqla yanaşı, öz yedikləri tərəvəzləri yetişdirməyi öyrədir.

Uşaqlar bitkinin toxumdan məhsula qədər olan inkişaf prosesini müşahidə edir, ona qayğı göstərir və öz əməklərinin nəticəsini görürlər.

Bostan fəaliyyəti uşaqlarda səbir, məsuliyyət, qayğı göstərmək və əməyə dəyər vermək kimi keyfiyyətlərin formalaşmasına dəstək olur. Eyni zamanda, öz yetişdirdikləri tərəvəzlərlə tanış olan uşaqlarda sağlam qidalanma vərdişlərinin formalaşmasına da töhfə verir.

Təkrar emal fəaliyyətləri isə uşaqlarda ətraf mühitə qarşı məsuliyyətli münasibətin və yaradıcı düşüncənin inkişafına xidmət edir. Uşaqlar müxtəlif materiallara yeni həyat verməyi və onlardan yaradıcı məhsullar hazırlamağı öyrənirlər.

Sağlam inkişaf üçün gündə 5 dəfə qidalanma

Uşağın sağlam və balanslı inkişafında düzgün qidalanma xüsusi əhəmiyyət daşıyır.

“Evrika Montessori Kids Academy”də uşaqlar üçün gündə 5 dəfə sağlam və balanslı qidalanma təşkil olunur.

Qidalanma uşaqların gün ərzində enerjili və aktiv olmasını, sağlam inkişafını dəstəkləyən ümumi qayğı və inkişaf mühitinin vacib hissəsidir.

Montessori təhsilində davamlı inkişaf imkanı

Evrika Montessori Uşaq Akademiyasından məzun olan uşaqlar üçün təhsil yolunun davamlılığı da nəzərə alınıb.

Evrika Beynəlxalq Elm və Texnologiya Liseyinin Gənclik filialında I–XI siniflər üzrə Montessori Departamenti fəaliyyət göstərir. Bu imkan şagirdlərə Montessori təhsil sistemində formalaşdırdıqları öyrənmə və düşünmə bacarıqlarını növbəti təhsil mərhələlərində də inkişaf etdirməyə şərait yaradır.

Montessori təhsilini davam etdirən şagirdlər burada müasir təhsil imkanlarından yararlanmaqla yanaşı, beynəlxalq perspektivlərə açılan geniş imkanlar əldə edirlər.

Beləliklə, Evrika Təhsil Ekosistemində uşağın təhsil yolu erkən inkişaf mərhələsindən başlayaraq məktəb illərinə qədər davamlı bir inkişaf xətti üzərində qurulur. Məqsəd yalnız bir təhsil mərhələsini uğurla tamamlamaq deyil, uşağın potensialını uzunmüddətli şəkildə inkişaf etdirmək və onu gələcəyin imkanlarına hazırlamaqdır.