Filippinin Palavan əyalətində “MV June Aster” sərnişin bərəsində baş verən yanğın nəticəsində azı 5 nəfər həlak olub.

“Qafqazinfo” xəbər verir ki, Filippin Sahil Mühafizəsinin yaydığı məlumata görə, hadisə sentyabrın 9-u axşam saatlarında qeydə alınıb.

Həyata keçirilən təxirəsalınmaz tədbirlər nəticəsində 42 nəfər xilas edilib.

“GMA News” telekanalının məlumatına əsasən, faciəvi hadisə zamanı gəminin göyərtəsində ümumilikdə 117 sərnişin və 17 heyət üzvü olub.

Hazırda ərazidə axtarış-xilasetmə əməliyyatları davam etdirilir.