Neçə müddətdir ki, özünü cəmiyyətə plastik cərrah kimi təqdim edən Gülbadə Abdullayeva haqqında qalmaqallar bitmək bilmir. AzTimes.az saytına yeni məlumatlar daxil olub. Belə ki, Gülbadə Abdullayevanın qanunsuz əməlləri mediada ictimailəşdikdən sonra onun barəsində hüquq-mühafizə orqanlarında araşdırma başladılıb.
Bundan və Gülbadə Abdullayevanın savadsızlığından istifadə edən işbazlar (səs yazılarını və şəxsin adını hüquq-mühafizə orqanlarına təqdim etməyə hazırıq) onun “işini bağladacaqları” adı ilə sözügedən şəxsdən 20 000 AZN pul almış, bundan əlavə Gülbadə Abdullayevaya avtomobilini satdırmış, bankdan 7000 AZN kredit götürməyə təhrik etmişlər.
Ailə üzvləri Gülbadənin bu işlərdə borca düşdüyünü görüb onu əməliyyatlar etməkdən yayındırdıqları zaman isə Fatimə Mahmudova meydana çıxıb. Daimi izləyicilərimiz Fatiməni Uğur 777 klinikasından yaxşı tanıyır. Fatimə Mahmudova ilk olaraq Xəyalə İsmayılovanın yanına mətbuat xidməti kimi gedərək orada istədiyi məbləğə şərik ola bilmədikdə, Xəyalə İsmayılova haqqında bir çox kanallara və saytlara müsahibələr verərək klinikanın bağlanmasına, prokurorluqda araşdırma başlanmasına nail olub.
Verdiyi ifadələrdə Aydan adlı pasiyentin Xəyalə İsmayılovanın əməliyyatından sonra bədənində nekroz prosesi (toxuma çürüməsi) getdiyini bildirib.
Bundan sonra Gülbadə Abdullayeva ilə birləşən Fatimə Mahmudova “Dost klinikası” yaradır. Lakin bu sevinc də çox sürmür. Klinikada baş verən əxlaqsız məzmunlu videoların mətbuata sızması ilə “Dost klinikası” bağlanıb və araşdırma başladılıb.
Araşdırma yekunlaşmamış “Bilir Estetik” adı ilə yenidən meydana çıxaraq TikTok platformasında çəkinmədən təbliğata başlayıblar. Sözügedən “klinika”dan da şikayətlər səngiməyib.
Məsələnin ictimailəşməsi fonunda qorxuya düşən Gülbadə Abdullayeva işdən uzaqlaşmaq qərarına gəldiyini bildirdikdə, Fatimə Mahmudova ona hədə-qorxu gələrək öz əməliyyatının uğursuz olduğunu, ona mətbuat xidməti göstərdiyi üçün (günü 300 AZN olmaqla) 35 000 AZN pul borclu olduğunu bildirib. Daha sonra isə Uğur 777 klinikasında zərərçəkmiş kimi təqdim etdiyi Aydanın şikayətçi olduğunu deyib.
Buradan nəticəyə gəlmək olur ki, Gülbadə Abdullayeva şantaj olunaraq, sırf Fatimə Mahmudovanın maddi maraqlarının təmin olunması naminə cinayətə sürüklənir.
Qarşı tərəfin də mövqeyini dərc etməyə hazırıq.