İran və Oman Hörmüz boğazı vasitəsilə gəmiçilik marşrutu ilə bağlı razılığa gəliblər.

“Qafqazinfo” xarici KİV-ə istinadən xəbər verir ki, bu barədə İran Xarici İşlər Nazirliyinin sözçüsü İsmayıl Baqai açıqlama yayıb.

Bildirilir ki, bəzi məsələlərin müzakirəsi hələ davam etsə də, Tehran və Maskat Hörmüz boğazı vasitəsilə gəmiçilik marşrutu ilə bağlı razılıq əldə ediblər.

Qeyd edilir ki, İran və Oman Hörmüz boğazı vasitəsilə gəmiçilik hərəkətini bərpa etməyi nəzərdə tutan saziş üzrə danışıqlar aparırlar.